ससन-परस रबसु अस्बर रे...

ससन-परस रबसु अस्बर रे देखल धनि देह !
नव जलधर तर चमकय रे जनि बिजुरी-रेह !१!

आजु देखलि धनि जाइत रे मोहि उपजल रंग !
कनकलता जनि संचर रे महि निर अवलम्ब !२!

ता पुन अपरुब देखल रे कुच-जुग अरविन्द !
विकसित नहि किछुकारन रे सोझा मुख चन्द !३!

विद्यापति कवि गाओल रे रस बुझ रसमन्त !
देवसिंह नृप नागर रे, हासिनि देइ कन्त !४!

0 एक टिप्पणी दिअ।:

एक टिप्पणी भेजें

  © Vidyapati Geet. All rights reserved. Blog Design By: Jitmohan Jha (Jitu)

Back to TOP